Elvis Presley lema chang turin Austin Butler thlang

"King of Rock and Roll" Elvis Presley chanchin film-a siam turah Elvis lema chang tur hian kum 27 mi, Austin Butler chu thlan a ni. 

He film hi Baz Luhrmann-a'n a direct dawn a,  Luhrmann hian Thawhṭanni khan a Instagram-ah Butler thlalak hi dahin Elvis lema a chan tur thu hi a tichiang. Movie hi nakkum kumtir lam

aṭangin Autralia-ah chan ṭan an tum. He document-ah hian Elvis lo hmingthan chhoh dan te, a manager Colonel Tom Parker nena an inkar boruakte tarlan tum a ni. A manager lemah hian Tom Hanks a chang ang. 

Elvis lema chang tura Butler thlan a nih thu puan a nih veleh hian a bialnu, Vanessa Hudgens pawhin a Instagram-ah a  lawmpui thu hi a ziaklang ve nghal. 

Elvis lema chang tur hian star lar tak takte hming pawh sawirik a lo ni tawh a, an zingah hian Harry Styles, Miles Teller leh Ansel Elgort te pawh an tel. Mahse heng mite hi khûmin Austin Butler chu thlan a ni ta a ni. 



Share this Post

Login to comment
No Comments