Twitter-in mihring hlutna tichhe zawnga thu post a khap

Sakhuana behchhana mihring nihna leh hlutna tichhe zawnga thu post khap a nih thu Thawhlehni khan micro-blogging platform Twitter chuan thuchhuah an siam.

Twitter chuan dan (rules) fel tak an siam thu sawiin, sakhuana behchhana inhuatna ṭawngkam ang chi chu kan dan hian a phal lo a ni, a ti. 

"Kan dan siam hmaa thu lo post (tweet) tawh a awm chuan delete leh nghal turin kan hriattir nghal a, mahse dan siam hmaa lo post hman tawhte hi direct-in an account suspend sak an ni nghal dawn lo," tiin Twitter chuan an sawi.

Kum 2018 khan Twitter chuan thurawn ram 30 aṭanga lain chhanna 8,000 chuang an dawng. Thurawn an lakna chhan hi sakhuana behchhana inhuatna ṭawngkam ang chi Twitter-a tweet ṭhin a ni hi, mipuiten khap ṭha an ti nge ti lo tih an hriat theih nana an hmalakna a ni. 

Twitter hi kum 2006 March 21 khan Jack Dorsey leh a 

ṭhian­ten an siam chhuak a, hemi kum vek July aṭangin mipuite hman theihin an siam. An headquarters hi San Francisco, California, United States-ah a awm. Thla tin hian Twitter hmangtute hi maktaduai 321 chuang an awm nia sawi a ni.



Share this Post

Login to comment
No Comments