Facebook-in hmeichhe hnathawk a letin tipung dawn

Facebook chuan kum nga chhungin khawvel puma a hnathawk hmeichhiate chu a let a tam lak belh a tum. Facebook chuan an company-ah hian hnam hrang hrang, dinhmun inang lo tak tak ten hna an thawk tih a sawi a, midum leh hnam tlem zawkte pawh a leta tam lak belh an tum bawk.

Maxine Williams, Facebook Global Chief Diversity Officer chuan an company-in hmeichhe dinhmun an dahsan ṭhin thu sawiin; hruaitu atan hmeichhia eng emaw zat an dah tawh tih a sawi. kum eng emaw chen kal ta aṭang khan nihna sang zawkah hmeichhiate an promote ṭeuh tawh thu a sawi bawk.

Kum 2014 khan Facebook chuan an company a thawk midum hmeichhiate chu a let 25-in an tipung a, midum mipate chu a let 10-in an tipung bawk. Lesbian, gay, bisexual, transgender and queer or questioning (LGBTQ)-te tan Facebook chu hnathawhna hmun ṭha ber a nih thu a sawi bawk.

Company chuan Human Rights Campaign (HRC) 2019 - Corporate Equality Index (CEI) 100%-a an nei chu lawmawm an tih thu a sawi a, a zawna kum nga chhung an neihna a ni. Facebook chuan 'Align Programme'-ah USD 4.2 million an invest vangin an hnathawk hmeichhiate leh hnam tlem zawkte tan computer science zirna an siam thu leh computer science master degree  thleng zirna an pek thu a sawi bawk. 



Share this Post

Login to comment
No Comments