Forbes: Celebrity sum lalut hnem ber Taylor Swift

Forbes chuan celebrity zinga sum hailut hnem list tichhuakin, American pop singer Taylor Swift chu sum lalut hnem ber a nih thu an tarlang.

Kum 29 mi Taylor Swift hian nikum June thla aṭang khan chhiah a pek hmain  $185m (£148m) a lalut hman nia chhut a ni a, hetiang zat sum hailut thei hi milar dang zingah an awm lo. Swift hi 2016 khan sum hailut hnem ber a nih thu Forbes vek hian a lo tarlang tawh bawk a, khami ṭum khan $170m (£136m) a hailut niin a chhut thung.

Taylor Swift hian a sum hailuh tam ber hi Reputation stadium tour 

aṭanga a lakluh nia chhut a ni a, Forbes chuan Reputation stadium tour hi US history-a  'highest-grossing tour' niin a chhal hial.

Swift hian thla leh hian Republic Records nen an thawh­dun hnua a album hmasa ber tur 'Lover' chu a tlang­zarh dawn bawk a, a sum hailuh nasa takin a pung leh ngei ang.

Pahnihnaah 

Kylie Jenner 

Nikum lama celebrity sum lalut tam pathumna Kylie Jenner chu kuminah chuan Taylor Swift dawttu chiah a ni ta a, chhiah a pek hmaa a sum hailuh hi  $170m (£136m) zet a tling niin Forbes chuan a tarlang.

Kumin kumtirah khan 'Forbes' list of the world's richest self-made women' ah puan a lo ni tawh bawk a, a hausak zawng hi $1 billion (£800m) angin a chhutsak a ni. Kylie sum hmuhna lu ber chu a sumdawnna, incheina vel a zawrh aṭangin a nih thu tarlan a ni bawk.

Sum hailut tam pathumna chu Rapper Kanye West a ni thung a, $150m (£120m) lalut anga chhut a ni. Sum lakluh tam lamah hmeichhia-in ro an rel leh ta a ni. Palinaah hian Footballer Lionel Messi a awm ve thung. Messi hian  2020-2021 season-ah FC Barcelona kaltlangin $127m a lalut anga chhut a ni.

British milar zinga sum 

hailut hnem ber Ed Sheeran

Forbes list-a pangana dinhmun luahtu chu British singer Ed Sheeran a ni a, $110m (£88m) lalut anga chhut a ni. 

Kum 28 mi Sheeran hian kumin nipuia Divide Tour a neih aṭang khan sum a hailut tam hle nia tarlan a ni a, May thla khan Justin Biber, Cardi B leh Bruno Mars-te a thawhpui dawn thu a lo puan tawh chuan ngaiven a hlawh hle.

Paruknaah hian Footballer Christiano Ronaldo a awm a, Neymar chuan Ronaldo hi dawtin pariatnaah hian The Eagles-te chu an awm ve thung. Top 10-ah hian Dr Phil McGraw leh Boxer Canelo Alvarez-te chu an lang ve bawk a ni.

South Korean group BTS chu 43-naah an awm ve bawk a, Ariana Grande chu 62-naah a awm thung. Ant Man lema chang Paul Rudd chu 83-naah a awm bawk a ni.

Forbes' list of highest-paid entertainers Top 10

1Taylor Swift$185m

2Kylie Jenner$170m

3Kanye West$150m

4Lionel Messi$127m

5Ed Sheeran$110m

6Christiano Ronaldo$109m

7Neymar$105m

8The Eagles$100m

9Dr Phil McGraw$95m

10Canelo Alvarez$94m



Share this Post

Login to comment
No Comments