Fast & Furious 9-ah Charlize Theron leh Helen Mirren

Fast & Furious star leh producer, Vin Diesel chuan  Fast & Furious 9-ah Charlize Theron leh Helen Mirren-te an lo kir leh dawn tih a sawi. An pahnih hi  2017 film Fate of the Furious-ah khan an lo inlan tawh a ni. 

Fast & Furious 9 hi a title an la tichiang lo a, mahse shooting erawh an ṭan tawh. Diesel chuan he series-a la lang ve ngai lo, John Cena pawh a rawn lang dawn tih a sawi bawk. 

Fast 9 hi May 22, 2020-ah tihchhuah tum a ni a, Justin Li bawkin a direct dawn. Original cast member Michelle Rodriguez, Jor­dana Brewstar, Tyrese Gibson leh Ludacris-te pawh kan hmu leh ang. Mahse Dwayne Johnson erawh a lang dawn lo. The Rock hian January thla khan Fast 9-ah a tel dawn loh thu a lo sawichiang tawh a, mahse kum 2022-a tihchhuah tum Fast 10-ah erawh a tel dawn leh dawn loh a la sawichiang thei lo thung. Johnson leh Diesel-te hi The Fate of the Furious shooting laiin an inkar boruak a ṭha vak lo nia sawi a ni. 



Share this Post

Login to comment
No Comments