Jeddah World Fest aṭangin Nicki Minaj inhnukdawk

July 18-a Saudi Arabia-a Jeddah World Fest neih turah Nicki Minaj chu a inlan leh dawn lo, chhan ṭha tak a nei tih a sawi. 

Saudi Arabia hi muslim ram - Wahhabi Islam khauh taka kalpuina a ni. Tunlai khawvelin a buaipui em em Lesbian, gay, bisexual, and transgender (LGBT) chu Saudi Arabia-ah hian dan phal loh a ni a, hmeichhiate dikna leh chanvo khawvel ramdangin an pek angte chu he ramah hian khuahkhirhna a nasa em em a ni. He festival-ah pawh hian hmeichhiate chuan an duh ang thuamhnaw an in bel thei dawn lo a, kawrfual 'abaya' tia sawi chu an hak vek a ngai dawn a ni.

Nicki Minaj hian LGBT, women's right leh freedom of expression-te a support avang leh Saudi Arabia kalphung a duh loh avangin a perform-na tur hi a cancel tih Thawhlehni khan a puang. 

Jeddah World Fest hi Saudi Arabia live music festival lian ber a ni a, Red Sea city-a King Abdullah Sports Stadium-ah neih a ni dawn, a ni bakah hian Liam Payne leh DJ Steve Aoki-te chu inlan tur langsar an ni. 

The Human Rights Foundation chuan kar hmasa khan Nicki Minaj leh he huna perform turte chu inhnukdawk vek turin a ngen a, New York-based organization chuan Nicki Minaj  chu a thuthlukna siam avangin an fak hle.

Thor Halvorssen, Human Rights Foundation president pawhin Nicki Minaj chu fakin celebrity tam takten a hnung an zui ngei a beisei tih a sawi. 



Share this Post

Login to comment
No Comments