Cannes Film Festival-ah Elton John biopic chhuah dawn

Music icon Elton John-a biopic 'Rocketman' chu Cannes Film Festival-ah premiere a ni dawn. 

Cannes Film Festival hi May thla khian neih a ni dawn a, ni 12 chhung a awh dawn a ni. He festival-ah hian film eng emaw zat premiere a ni dawn a, chung zingah chuan 'Rocketman' hi ngaihven hlawh ber pakhat a ni. 

'Rocketman'-ah hian Welsh actor leh singer ni bawk Taron Egerton chu Elton John lemah a chang a, en chakawm tawh tak a ni. He film hi Dexter Fletcher kutchhuak niin, May 16-ah chhuah a ni ang.

Egerton hi kum 28 mi chauh a la ni a, legendary singer Elton John lemah hian engtiang chiahin nge a chan tih chu hriat chakawm tawh tak a ni. Egerton bakah hian - Jamie Bell, Richard Madden, Bryce Dallas Howard leh Gemma Jones te chu a changtu zingah an tel bawk. 

Rocketman hi Cannes Film Festival-a premiere a nih hnu, May 24-ah UK-a release a ni ang a, May 31-ah US-ah tichhuah a ni dawn bawk. 



Share this Post

Login to comment
No Comments