Coachella music festival-ah A vawi khat nan Blackpink perform

Music industry huanga festival lian leh ngaihhlut ber te zinga mi, Coachella Valley Music and Arts Festival chu Zirtawpni aṭang khan ṭan a ni ta a, khawvel huapa zaithiam lar ber ber te an fuan khawm. He hunah hian Blackpink te pawh inlanin, South Korean girl group zinga he festival-a perform thei hmasa ber an ni. 

Blackpink te hi an perform ṭha tak zet a, lawm pawh an hlawh hle. Festival ṭanniah hian an hla thar 'Kill This Love' hmangin mipui an awi a, fans lam pawh an sapatal a ni ber!

Jisoo, Jennie, Rosé leh Lisa te perform hi a hmuhnawm tak zet a, zai paha an inthehṭhil vel te chuan mit leh beng a titlai hle a ni. 

A ni khatnah hian - Childish Gambino, Dj Snake, Kacey Musgraves leh Jaden Smith te pawh an inlan a, Childish Gambino leh Rihanna ten mipui surprise-in an perform dun a ni. 

Selena Gomez a dam 

Rilru leh takasa lamah harsatna a neih avanga hun eng emaw chen mipui hmaa inlan tawh lo, Selena Gomez chu Coachella Festival-ah hian a inlan a, fan te pawh an lawm kher mai. Coachella Festival-a a inlan vawi khatna ni bawkah hian - DJ Snake, Ozuna leh Cardi B te nen dawhsan an lawn ho a, an hla hit 'Taki Taki' an perform a ni. 

Coachella Valley Music and Arts Festival hi Empire Polo Club, California-ah neih niin, April 21 thleng a awh dawn a ni. 



Share this Post

Login to comment
No Comments