Mizo Idol 2018 Zaithiam zingah thiam bik an awm Mi pathumin second round lut nghal

Zonet buatsaih Mizo Idol Season 6 chu final audition neih chhoh mek a ni a, zai thiam 'inti' zingah thiam bik an awm tih a lang. Aizawl Audition zan khatna-ah mi 31 an inlan a, chung zinga mi pathum te chuan second round an lut nghal. Result hi puan a la ni lo a, chutih rual chuan judge ten tling chiangsa-a an ngaih te chuan result puan an nghah kher a ngai lo. 

Zaithiam ṭheuh ṭheuh

Mizo Idol 2018-ah hian Contestant 597 zet an awm a, chung zingah chuan thiam bik an awm tih chu hai rual a ni lo. District paruk aṭangin mi 100 dawnin second round an lut tawh a, Aizawl Audition aṭangin engzat nge tling dawn hriat a la ni lo. 

Aizawl bikah hian mi 344 an inlan dawn a ni. 

Zaninah mi 45

Aizawl Audition thawh hnihna hi nizan khan neih a ni a, zaninah mi 45 an inlan leh bawk ang. Intihsiak hi zan dar 7:30 aṭangin ṭan a ni dawn a, Zonet Zawlbuk-ah live-a pekchhuah a ni ang. 

Zirtawpni zanah chhunzawm leh a ni ang a, mi 45 an zai dawn a ni.  August 11, Inrinni bikah erawh chhunlamah intihsiak a awm dawn a, chawhma dar 11:00 aṭangin ṭan a ni ang. Hemi ni hian mi 85 an zai dawn a ni. 



Share this Post

Login to comment
No Comments