Galaxy-ah lithium tamna arsi hmuchhuak

Chinese astronomer-te'n chuan thir chi hrang hrang awm zinga zang ber lithium tam berna nia sawi arsi danglam tak chu galaxy-ah an hmuchhuak thar.

Arsi chanchin zirmite hian an thil hmuhchhuah tharah hian lithium a tam hle tih an sawi a, arsi dang aiin a let 3,000 zetin a tam a ni, an ti. He rasi hi lei aṭanga light year 4,500 zeta hlaa awm a nih thu, Xinhua news agency chuan an tarlang.

Zir chianna hi National Astronomical Observatories of China (NAOC) chuan an nei a, Large Sky Area Multi-Object Fibre Spectroscopic Telescope (LAMOST) hmangin arsi danglam tak hi an hmuchhuak ta a ni. He arsi chanchin hi Chinese astronomer-te te hian an zir chaing leh mek a ni. 



Share this Post

Login to comment
No Comments