The Matrix an tuaithar leh dawn

Keanu Reeves channa hlawhtling zet mai, The Matrix kha siamthar leh a ni dawn a, Warner Bros chuan hma a la chho ṭan nia sawi a ni.

Hollywood Reporter-in a tarlan dan chuan The Matrix tuaithar leh tur hi Warner Bros chuan a buaipui ṭan a, a bul ṭan­na deuh chauh a la ni. Zak Penn chuan a ziak a, Mi­chael B. Jordan chu a chang dawn niin a sawi. The Matrix pangngai leh a chhun­­zawmna pahnih - The Ma­trix Reloaded leh The Matrix Revolution te kha Wachowski chuan ziak­in a direct nghal a, mah­­se tuna a tuaitharna tur­ah hian chanvo a nei dawn lo.

The Matrix kha a hlawh­tling hle a, tun thleng­in film tam takin an la tluk thei lo. North America-ah he film hi, kum 1999-a tihchhuah a nih khan R Rated zinga sum lalut hnem ber a ni a, khawvel pumah USD mtd 463.5 a lalut. Oscars-ah pawh Best Film Editing, Best Sound, Best Sound Effects Editing leh Best Visual Effects te a la.



Share this Post

Login to comment
No Comments