Vin Diesel-a’n USD mtd 25 a hnar hmiah!

USD mtd 10 an hnar pawh hi a namai loh viau a nia, Vin Diesel-a’n USD mtd 25 zet mai a hnar hi chu a mak a na a ni ber mai. Hei hi tunhnaia mi ni loin, kum 10 chuang liam taa mi kha a ni.

Kum 2001 khan Paul Walker nen, Michelle Rodriguez nen Fast and Furous an chang a, 2 Fast 2 Furious siam leh tuma hma lak chhoh nghal a ni. 2 Fast 2 Furious-ah hian Vin Diesel hi chang leh tura biak a ni a, mahse a chang ta lo. Hemi ṭum hian USD mtd 25 hlawh tura sawm a ni a, Vin Diesel hian a pawisa lam a ngaihtuah lo a ni ngei ang, a lo hnar ta a ni.

Vin Diesel chuan, “Fast and Furious hmasa ber kha classic anga lantir ka duh...a chhunzawmna kan siam zel chuan chutiang chu a ni thei dawn si lo a ni. Khatihlai khan sum lamah chuan tun ang hi ka ni hauh lo nachungin USD mtd 25 kha ka hnar ta a ni,” a ti.

Vin Diesel hi 2 Fast 2 Furious-ah khan a chang ta lo ngei a, kum 2009 khan a chang chhunzawm leh chauh a, a chan chhunzawm ta ngar ngar a, tunah phei chuan a changtu langsar ber a ni ta. He film pariatna tur, The Fate of the Furious-ah pawh a chang leh. Fast and Furious film hi an la siam zel dawn a, 10-na thleng awm tura rua­hman a ni a, 10-na hi kum 2021-a tihchhuah an rilruk a, hemi hnu hi chuan a tawp tawh ang.



Share this Post

Login to comment
No Comments