China Box Office-ah 'Dear You' che ṭha chhunzawm

China box office chart tharah chart hmasaa pakhatna, Jinant Film & TV unstoppable family drama 'Dear You' chu No.1 ah a la awm chhunzawm. Film hian kar hmasa chhung khan RMB mtd 115.3 (USD mtd 17) a lak luh belh leh tih Artisan Gateway chuan a tarlang. Lan Hingchun direct niin Li Sitong leh Wang Yantong-te an chang a, a sum lak luh tawh zawng zawng chu USD mtd 238.5 a tling.

Zhonghe Qiancheng chrime thriller, 'Vanishing Point' pawh a dinhmun ngai No.2 ah la awmin, USD mtd 2.5 lak luh belhin sum lak luh tawh zawng zawng hi USD mtd 75.6 a ni. Pathumna Disney kutchhuak 'Star Wars' spinoff 'The Mandalorian and Grogu' chuan kar hmasa khan USD mtd 1.4 a lak luh belh a, USD mtd 12.1 a hmu chhuak tling tawh. Amazon MGM Studios fantasy action vehicle, 'Masters of the Universe' chuan USD mtd 1.2 la lutin palinaah a awm. Pangana StudioCanal World War II historical drama, 'Pressure' chuan tihchhuah a nih aṭanga kar hnih hnuah USD mtd 1.1 la lutin, sum a lak luh tawh zawng zawng chu USD mtd 1.2 a ni.