Nakkumah 'Resident Evil: Veronica'

Capcom chuan kum 2000-a tihchhuah 'Resident Evil' game, 'Code: Veronica' remake chu nakkumah an tlangzarh dawn. He game hi 'Resident Evil' character Claire Redfield leh a unaupa Chris Redfield-ten Southern Ocean thliarkar leh Antarctica-a research facility-a virus hri leng lak aṭanga dam khawchhuah an tum dan chungchang a ni.

Kumin February thla khan Capcom chuan 'Resident Evil Requiem' game an lo tlangzarh tawh bawk a, he game-ah hian character thar FBI analyst Grace Ashcroft chu dah a ni. 'Resident Evil: Veronica' hi Zirtawpni liam taa Los Angeles-a Dolby Theatre-a Summer Game Fest neihah puan a ni. He event-ah hian Paramount Games Studio chuan, 'Teenage Mutant Ninja Turtles: The Last Ronin' tih pawh pholang telin, tlangzarh hun tur erawh an la tarlang lo a, mahse console leh PC-a khelh theih tur a nih thu an sawi.