'UFC Freedom 250' fight huaihawt tumna khin a ni

US kum 250 tlin champha leh president Donald Trump-a pian champha vawi 80-na puala, White House chhim lam tual zawl a Mix Martial Arts(MMA) leh combat sport hmanga in elna buatsaih tumna chuan khin a tawk. He khinna hi National Park Service leh United States Department of the Interior-te lakah theh luh niin, he ennawm buatsaih tum hi dan kalh a nih thu an tarlang.

Thubuai thehluttute chuan sorkar hmun hlu leh mipuite tana tual chaina hmunte chu mimal hlawkna leh sumdawnna atana hman a ni tur chu an duh lo hle a ni. National Park Service dan kalha infiamna lian tham buatsaih tum a nih bakah, tualzawla thil dah sang tak mai 'The Claw' an saknaah hian Congress phalna emaw, he hmun tichhe thei thil enfiahna (environmental review) engmah a awm lo tih an tarlang.

White House lam erawh chuan he thubuai hi an thiltum tikhawtlai tura beihna mai a nih thu sawiin, he hun hi America chanchina infiamna ropui ber pakhat a tlin ngei an rin thu an sawi thung a ni.