‘Walking Dead: Dead City’ season 3 siam dawn

American post-apocalyptic horror drama TV series, ‘Walking Dead: Dead City’ season 3 siam a ni dawn a, Seth Hoffman-a'n a ziak dawn a ni. Hoffman hi 'The Walking Dead' season lina aṭanga season rukna thleng writer leh co-executive producer a lo ni tawh ṭhin. Khami hunlai khan episode eng emaw zat a lo ziak tawh a, chung zingah chuan 'Too Far Gone'. 'JSS' leh 'NO Way Out' te an tel.

‘Walking Dead: Dead City’ season thumna hi kumin favangah Boston, Massachusetts-ah siam ṭan tum a ni a, Jeffrey Dean Morgan leh Lauren Cohan te chu Negan leh Maggie lemah an chang leh dawn a ni.

Cohan leh Morgan te hi 'Dead City' executive producer an ni nghal dawn a, 'The Walking Dead' chief content officer Scott M. Gimple bakah Brian Bockrath leh Colin Walsh te chu executive producer an ni ang.