Foo Fighters 30th Anniversary pualin hla thar nen

American rock band lar, Foo Fighters chu kum 2023 hnua an hla tih chhuah leh hmasa ber tur leh, an band-in kum 30 an tlin lawmna ni pah fawmin Nilaini khan hla thar 'Today's Song' an ti chhuak.

'Today's Song' hi an album hnuhnung ber 'But Here we are' tih chhuah hnua hla thar an tih chhuah leh hmasak ber a ni. Kum 2022-a drummer Taylor Hawkins a thih hnu leh, kumin kumtir an drummer Josh Freese a chhuah hnua an hla hmasa ber a ni bawk.

Band leader Dave Grohl chuan Hawkins chungchang sawi langin, "I hming hi kan lam ri bang lo a, a changin mittui nen, a chang leh nui hmel puin. Kan thil tih apiangah kan hre reng tawh ang che" a ti.

Hla thar tih chhuah bakah hian band hian an rimawi zinkawng an zawh leh ṭan tawh dawn a, kumin chhung hian Jakarta, Indonesia, Singapore, TOkyo, Osaka, Japan leh Mexico-ah te show an nei leh ṭan leh dawn a ni.