
Stand Up to Cancer-ah Dolly Parton leh Sheryl Crow
American singer-songwriter leh musician Dolly Parton leh Sheryl Crow te chu Stand Up 2 Cancer (SU2C) lo awm turah an inlan dawn a, a vawikhatna atan August 15 hian Nashville aṭangin broadcast a ni ang. Crow hi biennial event vawi kuana host tura tih niin, Parton pawh a inlan dawn a ni. Performer dangte pawh la puan chhoh zel tura ruahman a ni.
Stand Up to Cancer (SU2C) hi advocacy group niin 2008 khan din a ni a, entertainment community chhung aṭangin cancer chungchang inzirtirna leh research neih ṭhin a ni. He program hi U.S broadcast network lian pali aṭanga pekchhuah a ni dawn a, digital leh streaming platform hrang hrang aṭanga pekchhuah a ni bawk ang. An ram huna zan dar 8-ah pekchhuah a ni dawn a ni.
SU2C in a tum ber chu cancer research lama hmasawnna neih a damlote a rang lama ṭanpui a ni tih Katie Couric, SU2C co-founder chuan sawiin, kum 20 vel kalpui a nih hnuah an research hlawhtlinna an hmu chu lawmawm a tih thu a sawi bawk.