Jurassic World Rebirth a che ṭha nghal hle

Iconic dinosaur film franchice pasarihna 'Jurassic World Rebirth' chu July 2-a tlangzarhin, tih chhuah a nih karah che ṭha nghalin domestic box office-ah USD mtd 28 a hmu chhuak nghal. Dinosaurs film thar hian kar khat chhungin USD mtd 127.5 bawr a hmuh chhuah theih beisei a ni.

'Jurassic World Rebirth' hi 'Jurassic World' series palina a nih rualin, 'Jurasic Park' leh 'Jurassic World' combined franchise pasarihna a ni thung. Steven Spielberg kut chhuak niin Amblin Production leh Universal te thawh dunna hnuaia tih chhuah a ni.

Film tharah Scarlett Johansson, Mahershala Ali, leh Jonathan Bailey bakah changtu tharte pawh an inlan bawk. Jurassic World film hmasa pathum te khan khawvel pumah USD tld 1 an la lut tling vek a, mahse a film thar ber siamna atan hian sum an hmang tlem ber thung.