Kate Middleton-in Christmas carol service a host dawn

Princess of Wales, Kate Middleton chu a cancer natna enkawla, chemotherapy treatment a zawh hnuah mipui rawng a bawlna lamah a che chhuak thei leh ṭan ta.

Hun eng emaw chen mipui hmuha a inlan loh hnuah, Kate hi November 9 leh 10-a Remembrance event neihnaah a rawn inlan a, kumin December 6-a Westminster Abbey, London-a Christmas carol service neih tur pawh a host thei dawn a, ṭum li a host-na tur a ni ang. He hunah hian Paloma Faith, Olivia Dean leh Gregory Porter te an perform dawn a, lal chhungkaw member-te bakah sawm bik mi 1,600 vel an tel ang. Kumina carol service-ah hian mitinte kan inmamawh tawn zia, a bikin hun khirh leh harsa tak kan tawh laia kan inmamawh tawn dante pho lan tum a ni. Hmangaihna leh midangte dinhmun hriathiampuia, ngilneihna leh thlawpna lantir leh hnemtute pawimawhzia chu an tarlan tum ber a ni dawn a ni.