After We Collided ve thung

Nikum lama romantic drama film tlangzarh, tleirawl lama tlana tak Teen Choice Awards leh E! People's Choice Awards hial dawng After chhunzawmna After We Collided chu US-ah tlangzarh la ni ve lo mah se ram ṭhenkhatah tlangzarh a ni tawh a, $maktaduai 21 a lalut der tawh.

After tlangzarh a nih hnu lawk khan a chhunzawmna en chak Mizo zingah pawh an tam a,  Anna Todd lehkhabu ziah behchhana chan After sequel hi a dang pahnih pawh an siam leh dawn niin Deadline chuan a tarlang a,  After We Fell leh After Ever Happy tih a nih dawn a; Castille Landon chuan a direct dawn.

October thla tawp lamah hian US-ah chuan an tlangzarh dawn chauh a ni. After kha $mtd 14 lek senga an siam a ni a, $mtd 67.7 hial an lalut thung a, big budget movie lo siah chuan After We Collided hi kumin chhunga film tlangzarh zinga mi enchak ber pawl a ni ngei ang.



Share this Post

Login to comment
No Comments