RIAA Platinum thar THE PRETTY RECKLESS 'Heaven Knows'

The Pretty Reckless hla 'Heaven Knows' chu (Recording Industry Association Of America) chuan Platinum certify a nih thu a puang a, July 15 khan 1 million certified units a hmu tih an puang.

RIAA-ah hian song unit pakhat hi single digital song sale nen intlukin an chhiar a, single digital song sale hi on-demand audio emaw video stream-a vawi 150 stream nen intlukin an ngai bawk a, chumi awmzia chu 'Heaven Knows' hi hralh a kal viau bakah ngaihthlak hlawh tak hla a ni tihna a ni bawk.

'Heaven Knows' hi kum 2014-a an tlangzarh, Billboard 200 chart-ah pawh hit tak 'Going To Hell' album-a mi kha a ni.

The Pretty Reckless hla thar ber 'Death By Rock And Roll' chu kar tirah khan US-ah chuan No.1 Rock Song-a puan a ni a, BDS (Billboard) Rock chart-a No.1 hla panga an neihna a ni der tawh. Nakkum kumtir lamah hian an album palina tur 'Death By Rock And Roll' chu tlangzarh an tum bawk a, hemi chungchang hi vocalist Taylor Momsen pawhin a lo sawi fo tawh kha a ni a, rock music ngainatute tan chuan a nghahhlelhawm hle ang.

Taylor Momsen

The Pretty Reckless vocalist chhe lo tak leh pawisak neih loh hmel tak Taylor Momsen hi kum 2000-a tlangzarh 'How the Grinch Stole Christmas'-a hmeichhe naupang kha a ni a, kum 2007-12 inkar khan, rock music a luhchilh tak tak hmain CW teen drama series Gossip Girl-ah khan a chang ve bawk a, entertainment industry-ah sulhnu a hnutchhiah ṭha tawh hle.



Share this Post

Login to comment
No Comments