Glastonbury Festival buatsaihtute'n Coronavirus Emergency Service hnenah chhawmdawlna an pe

Glastonbury Festival buatsaihtu ber  Michael leh Emily Eavis-te chuan Coronavirus Emergency Service hnenah hand sanitizer, kutkawr leh hmai tuamna 

ṭhahnem tak an pe a, Avon and Somerset, England-a tual­chhung police leh medical team-te tan heng mamawhte hi an pe a ni.

Avon and Somerset Police-te chuan thuchhuah siamin Michael leh Emily Eavis-te hi lawmthu an hrilh nghal a, hand sanitizer litre tam tak bakah kutkawr leh hmai tuamna tam tak min pe a ni, tiin an tarlang.

Glastonbury Festival of Contemporary Performing Arts, Glastonbury Festival tia hriat lar hi kum 1970 

aṭanga buatsaih ṭan kha a ni a, kum 49 chhung kalpui tawhin kumin hi a kum 50-na tur a ni a, mahse hripui leng vangin tihkhawtlai a ni a, nakkum lamah chauh neih a ni tawh ang.

Ni nga awh festival hi mipuiin an hlut ṭhin hle a, nikumah khan mi 2,03,500 laiin an chhim a ni. Kumin Glastonbury Festival-ah hian Taylor Swift, Kendrick Lamar leh Paul McCartney-te chu show headliner tur annih thu puang vek tawh mah se hripui leng vangin loh theih loin an ṭhulh a ngai ta a ni.



Share this Post

Login to comment
No Comments