Prince Charles-in Covid-19 a kai

Clarence House chuan thuchhuah siamin Prince of Wales chuan coronavirus a kai tih an puang.

"Hri leng lanchhuahna a taksaah chuan lang­chhuak ve tih loh chu a hriselna pawh a ṭha a, 

ṭumdang ang bawkin tun hnai ni eng emaw zat chu in lam aṭangin hna a thawk reng tho a ni," tiin a ngaihtuahawm loh thu an tarlang bawk.

Prince Charles hi kum 71 lai  ani tawh a, a nupui  Camilla erawhin a kai lo thung. Birkhall, Balmo­ral, Scotland-ah an nupa hian an khung hrang a ni.

Charles hi Thawh-

ṭanni zan khan a positive tih hriat chhuah a ni a, amah bakah hian a staff parukte chuan an kai ve tih hrechhuak bawkin an vai hian an khung hrang a ni. Khung hran an nih thu hi Clarence House hian an tarlang tel bawk.

Buckingham Palace chuan lalnu erawh a dinhmun a ṭha tih sawiin, March 12 hnulamah Charles nen hian an la inhmu leh lo tih an sawi a ni.



Share this Post

Login to comment
No Comments