COAI-in streaming platform-te hma la turin ngen

Cellular Operators Association of India (COAI) chuan over-the-top (OTT) streaming platform-te hnenah ramchhunga video stream ṭha taka a kal theihna tura hma la turin a ngen. Department of Telecommunications (DoT) pawhin sorkar chu hemi chungchanga hma la tur hian a ngen bawk.

Covid-19 darh zel avangin mi tam zawk ina an awm avang leh in lam aṭanga internet hmanga hnathawk an tam avangin COAI hian ngenna hi a tichhuak a ni.

Hemi chungchangah hian streaming platform-te chuan hma an la thei tih tarlangin High Definition (HD) ni loa  SD (Standard Definition)-a video pechhuak turin an ngen a ni. A ṭul a nih chuan bandwith hmang nasa tak advertisement leh pop up-te pawh paih a ni mai thei tih an sawi.

US leh Europe-ahte pawh hemi kawngah hian hmalakna a awm tawh tih an sawi bawk.

Netflix-in video 

quality tihniam

Netflix chuan ngenna an hmuh angin ni 30 chhung India-ah an video quality an tihniam dawn tih an tarlang.

Video resolution a nghawng dawn lo a, a man an pek phawt chuan  HD leh 4K chuan a la stream theih dawn tho a, mahse bitrate hniam zawkin pekchhuah a ni dawn tih Netflix chuan an sawi. Hemi hmang hian traffic chu 25%-in a hniam phah an beisei a ni.



Share this Post

Login to comment
No Comments