Meizu phone man a tlawm

Pawisa i nei lutuk lo a, mahse phone ṭha si i duh a nih chuan Meizu hi en chhin chi tak a ni ang. Flipkart aṭangin an zuar chhuak ve ta.

Chinese smartphone company, Meizu m2 hi Flipkart hian Rs. 6,999-in an zuar a, a hmai hi Dragontail Glass a nih avangin a khauh tura ngaih a ni a, processor lamah chuan 1.3 GHZ quadcore MediaTek MT6753 niin, 2GB RAM a ni a, DDR3 a hmang. A hnung lam camera hi 13MP a ni a, flash a awm a, a hma lam hi 5MP a ni thung.

Internal memory hi 16GB a ni a, 128GB thlenga lian memory card a hmang thei. SIM pahnih, nano SIM ang chi vuah theih a ni. A battery hi 2,500 mAh a ni. India ramah khawpui 46-ah customer service an nei tawh bawk.