'Panipat' vangin SRK a phur

'King Khan' tia hminglem an pek Shah Rukh Khan chuan bollywood film chhuak thar tur Panipat a en chak tawh thu a sawi a, he film siamtu a ṭhianpa Ashutosh Gowariker a fak tel nghal. 

SRK chuan, "Ka career-a film duhawm ber pawl Swades min petu ka ṭhianpa Ashutosh Gowariker chuan film hmuhnawm tak 'Panipat' min chhawpsak leh dawn ta. Ashutosh leh a team-te duhsakna ka hlan a, min entir vat ka beisei," tiin twitter-ah a ziak a, Ashutosh hian SRK chu a film thar hi a entir vat tur thuin a chhang ve bawk. 

November 5 khan Panipat hi trailer tihchhuah a ni a, SRK hian Swades-a a lo thawhpui tawh Ashutosh fakna remchangah a lo hmang a ni - he film-ah hian Arjun Kapoor, Sanjay Dutt leh Kriti Sanon te an chang. 

SRK hian November 2 khan a kum 54 tlinna piancham a lawm a, bollywood actor lar tak tak zingah a ṭhian hnai Salman Khan chuan social media kaltlangin SRK hi duhsakna a hlan. 

Hei mai hi a ni lo - khawvela inchhawng sang ber Burj Khalifa chuan SRK piancham lawm nan hian "Happy birthday to the king of Bollywood Shah Rukh Khan," tih chu an building-ah an pholang a, bollywood actor zinga Burj Khalifa-in an building-a hming an pholan hmasak ber a ni.



Share this Post

Login to comment
No Comments