Rob Halford Christmas ablum thar tur buatsaih mek

Heavy metal band Judas Priest lead vocalist Rob Halford chuan a single album pahnihna tur chu October 18-ah American record label Legacy Recordings kaltlanga tlangzarh a nih tur thu a sawi.

A album pahnihna hi Christmas album a ni dawn a, a hmingah 'Celestial' tih a ni ang. Rob-a chhungte leh ṭhian ṭhate chuan a album thar buatsaih mekah hian theihtawpin an pui a ni. Rob Halford hian kum 2009 khan a single album hmasaber 'Halford III: Winter Songs' chu a lo tichhuak tawh bawk.

A album thar tur vuak 'hot' nan, 'Celestial' album a mi 'Donner and Blitzen' chu September 6 khan YouTube lamah mipuite en theih turin a chhawp chhuak tawh a ni.

'Celestial'-ah hian ama original hla pali, Celestial, Donner And Blitzen, Morning Star leh Protected By The Light-te chu a tel dawn bawk a, heng bakah hian Chirstmas hla hlui Away In A Manger, The First Noel, O Little Town Of Bethlehem leh Good King Wenceslas-te chu a tel dawn bawk. 

Nakkum, July hian an band Judas Priest kum 50 tlin lawmna chu heavy metal music festival an neihna ṭhin Wacken Open Air-ah ropui takin buatsaih an tum bawk a ni.



Share this Post

Login to comment
No Comments