Mister India Mizoram Advocacy Tour Champhaiah

Mister India Mizoram Org. chuan Advocacy Tour an neih ṭhin chu chhunzawm zelin, September 11 leh 12 hian Champhai khaw chhunga School hrang hrangah MIM Advocacy-in a ken tel 'Promoting Education' , 'Stop Rape' , 'Let's get to Zero HIV new infection'  leh Environment venhimna lama awareness-te pein hun an hmang dawn.

MIM Advocacy Tour hi August thla aṭang khan ṭan niin, Kolasibah hun hman tawh a ni. Zirlai naupangte hnenah  zirna chungchangah te, Child sexual abuse leh HIV/AIDS chungchangahte an hriat tur pawimawh tamtak hrilhhriatna hun hman a ni a, naupang ten an hlawkpui ṭhin hle.

Tun ṭum MIM Advocacy Tour-ah hian MIM Organisation atangin Eddie Zaithanmawia, Man of the World 2nd RU nilai leh, Finalist Zorinkima bakah Zaithiam leh MIM Org. Team member ni bawk Hmingtea Chhangte leh MIM Org. Secretary Benjamin  Pachuau-ten hun an hmang dawn a ni.  School a programme an hman mai bakah Champhai Local Cable TV lamahte pawh media interaction neiin interview an nei dawn bawk a ni.

MIM Org. chuan Advocacy tour alo hlawhtlin theih nana Sponsor-tute, Main sponsor Wave Sound & Records,  co- sponsors RB MMA and fitness Gym, Afresh , Lalhêma & Sons leh LH Hindi School-te chungah lawmthu a sawi.



Share this Post

Login to comment
No Comments