Pierce Brosnan-a'n 007 Agent-ah hmeichhia a duh

007 Agent, James Bond lema lo chang tawh, Irish actor Pierce Brosnan chuan 007 Agent lem chu hmeichhiain chang ve tawh se a duh thu a sawi. 

The Hollywood Reporter-in a kawmnaah, kum 66 mi Brosnan chuan, "Kum 40 chhung zet chu 007 Agent-a mipa chang kan lo thlir tawh a, tunah hmeichhiain an chan a hun ve tawhin ka hria. A phurhawm hle ka ring a ni," a ti. 

Pierce Brosnan hi  "GoldenEye," "Tomorrow Never Dies" leh "The World Is Not Enough,"-ahte James Bond lemah a lo chang tawh a ni. 007 Agent-a hmeichhia chang ve tawh tura a duh thu a sawi rualin, a thlen mai erawh a ring lo tih a sawi nghal bawk. 



Share this Post

Login to comment
No Comments