'Hasdeo Arand forest' Elephant reserve-ah puang dawn

Chhattisgarh sorkar chuan an state-a ramngaw lar tak 'Hasdeo Arand forest' chu elephant reserve-ah an siam dawn tih an sawi.

'Hasdeo Arand forest' hi ramngaw thianghlim tak a la ni a, lungalhthei quality ṭha tak awmna hmun a nih avangin a lar hle bawk. Sorkar chuan mihring leh ramsa innghirnghona thleng fo ṭhin tihziaawmna atan elephant reserve-a puan hi a tum a ni.

Sorkar official-te chuan elephant reserve-a an puang a nih chuan lunglahthei a lakchhuah theih tawh dawn lo tih an sawi a, mahse tuna hna kalpui mekte erawh chu zawh an phalsak thung ang. 'Hasdeo Arand' hi 2010 khan khatih hunlaia environment minister Jairam Ramesh khan lungalhthei lakchhuah khapna hmunah a lo puang tawh a, mahse a hnua finance minister Pranab Mukherjee kaihhruaina hnuaia minister ṭhukhawm chuan an khapna dan chu an hlip leh a ni. 



Share this Post

Login to comment
No Comments