PM leh President-in Eid pualin duhsakna hlan

President Ram Nath Kovind, prime minister Narendra Modi leh vice president M Venkaiah Naidu-te chuan nimin khan muslim-te hun pawimawh, Eid al-Adha hmang tute duhsakna an hlan. 

President Kovind chuan Idu'l Zuha chuan hmangaihna, inunauna leh midangte tana inpekna a lantir a ni tiin, hei hi mitinin vawng ṭheuh tura a duh thu a sawi. PM Modi pawhin Eid chuan khawtlanga inremna leh hlimna a thlen ngei a beisei thu a sawi 

Muslim te holy festival, Bakra Eid tih bawkah hian Allah hnena an hmangaihna leh an inpekna lantirna atan ran te an hlan ṭhin. Ran an hlan hi chhungkua leh ṭhenrual ṭha te bakah a bikin mi rethei leh harsate hnenah an sem leh ṭhin a ni. Heni hian kel emaw, beram emaw an hlan ṭhin a ni.



Share this Post

Login to comment
No Comments