Rahul-an Kerala tuilian tuarte tan ngen sak

Congress hruaitu Rahul Gandhi chuan a Lok Sabha bial, Wayanad-a tuilian nasa tak tuar mek te chhawmdawlna tur pe turin a ngen. 

Pathianni khan Rahul Gandhi hian Wayanad hi a tlawh a, hei hi inthlan zawh hnua a tlawh ṭum hnihna a ni. Tuilian vang hian chhiatna nasa tak thlengin, mi sing telin an in an chan a, relief camp-ah te an khawsa mek a ni. 

Rahul chuan tuilian tuarte ṭanpuina tur hian mipuite hnenah an theih ang ang pe turin a ngen a, "Tui bottle, mutna tur pher, blanker, undergarment, dhothi, mutkawr, naupang thawmhnaw, slipper, sanitary napkin, sahbawn, toothbrush, toothpaste, dettol, soap poweder, blea­ching power leh chlorine te kan mamawh tawh hle a ni," a ti. Ei tur biscuit, chini, dal, coconut oil, coconut, curry powder, chhang leh naute chaw te pawh an theih ang ang pe turin a ngen. 

Congress hruaitu hian a bial chhung mipuiten harsatna an tawh mek chungchang hi prime minister Narendra Modi, Kerala chief minister Pi­narayi Vijayan, Wayanad district collector leh Cong­ress worker-te pawh a sawipui tawh bawk. 



Share this Post

Login to comment
No Comments