Khawthlang lam state-ten chhiat tawk nasa

Ramchhung khawthlang lam Kerala, Karnataka, Maharashtra leh Gujarat te'n tuilian vangin chhiat an tawk nasa a, ni thum chhungin mi 115-in nunna an 

chan tawh.

Kerala-ah thi an tam ber a, mi 57 an boral. Karnataka-ah mi 26 leh Gujarat-ah mi 20, Maharashtra chhim lamah mi 12 an thi tawh bawk.

Inrinni khan Wayanad district, Kerala-a Banasurasagar dam-ah tui a tam lutuk avangin, a paihna kawngkhar pakhat chu hawn a ni. Kabini lui kama awmte pawh inralring reng tura hriattir an ni a, Banasurasagar dam hi India rama dam lian berte zing a mi a ni bawk.

Maharashtra-ah hian mi 4,00,000 chuang chu hmun him lamah thiar chhuah an ni tawh a, Kolhapur leh Sangli district aṭang pawhin mi 3,78,000 hmun him lamah dah an ni bawk. Chief minister Devendra Fadnavis pawhin kum 15 chhunga tuilian vanga chhiat  an tawh nasat ber a nih thu a sawi. 

Gujarat chief minister Vijay Rupani chuan state chhunga dam 17-ah tui a khat liam tawh tih sawiin, "Nikum fur ruahtui tlak tawp khan dam-ah 56%  tui a awm a, mahse kumin hian fur ruahtui tawp hmain dam-ah hian 60% tui a awm der tawh," tih a sawi. 

Assam-ah leh Bihar khawchhak lamah tuilian vangin July 15 aṭang khan mihring 200 chuang an thi tawh bawk a ni. 



Share this Post

Login to comment
No Comments