Odisha police-ten award dawng dawn

Odisha police-te chuan Information Technology chawilar avangin award an dawng dawn. 

Odisha police-te hian mobile application Arakhi an tlangzarh a, he app hi police station-a FIR ziahluh zawng zawng database a ni nghal a ni.

Hemi avang hian DGP National Crime Records Bureau Running Trophy dawng tura thlan an ni a, ni nga awh tur All India Police Duty Meet neih mekah award hi hlan an ni ang. 

All India Police Duty Meet hi nimin aṭang khan Lucknow-ah neih a ni.

Director State Crime Records Bureau, Dr Sudhanshu Sarangi chuan Arakhi chu CCTNS (Crime and Criminal Tracking Network and Systems) extention a ni tih sawiin, 2005 aṭang khan an state chuan an hmangṭan tih a sawi. He app-ah hian kum 14 liam ta aṭanga data hrang hrangte chu dahluh a ni tih a sawi bawk.

Arakhi hi an tichangtlung ve zel a, police desktop aṭang kher lo pawhin, police station pawnah pawh a hman theih. Offline mode pawhin a hman theih a, officer-te chu network chhiatna hmunah pawh awm se, an data dahluh kha network a awm hnuah a in upload mai ṭhin a ni. 



Share this Post

Login to comment
No Comments