BJP MP hlui damchhung tang turin hrem


Ahmedabad-a special Central Bureau of Investigation (CBI) court chuan kum 2010-a RTI activist Amit Jethwa thah thubuaiah nimin khan BJP MP hlui Dinu Bogha Solanki chu damchhung tang turin a hrem. MP hlui rual hian midang paruk pawh hrem an ni bawk. 

Court chuan BJP MP hlui hi cheng nuai 15 chawi turin a ti bawk. 

Gir forest region-a dik lo taka mining kalpui a nih dan puanzar a tum avangin RTI activist leh lawyer Amti Jethwa chu kum 2010 khan thah a ni. He tualthahna chungchangah hian Detection of Crime Branch chuan Solanki chu a fihlim tir a, mahse kum 2013 khan Gujarat High Court chuan central agency chhui tir lehin special CBI court chuan Solanki leh a unaupa, Shiva Solanki-te chu mawhphurtua puhin thiam loh a chantir ta a ni.



Share this Post

Login to comment
No Comments