Mumbai police-ten Karnataka minister man

Karnataka minister DK Shivakumar chu nimin khan Mumbai police-ten Karnataka MLA helte awmna luxury hotel kawt aṭangin an man. 

Official-te chuan Shiva­kumar hmuh tuma kal, union minister hlui Milind Deora leh Maharashtra minister hlui Naseem Khan-te pawh man tel an ni tih an sawi. 

Shivakumar hi Karna­taka-a Congress-JDS ṭang­rual sorkara rorellai MLA helte hmu tur hian a kal nia sawi a ni a, mahse MLA-te awmna hotel kawta a awm laiin police-te hian an man a ni. Police-te hian TV channel-in a interview laiin Shivakumar hi an man a, BKC police guest house lamah an hruai nghal a ni. Shivakumar hian Karnataka-a ṭangrual sorkar hum a nih theih nan MLA helte hi hmuh a tum a, an inbiak hma chuan an thlenna hotel hi kalsan a tum lo tih a sawi a ni. Mahse police-te chuan hotel chhunga MLA awmte chuan Shivakumar hi an hmu duh lo a, an nunna pawh a derthawng nia sawiin police-te puihna hi an ngen tih an sawi.



Share this Post

Login to comment
No Comments