LS Speaker-in MP-te a khak


Lok Sabha Speaker Om Birla chuan House-a rorel laia lo ti ti  lo turin member-te a khak. 

Birla chuan member-te hnenah an ti ti duh a nih chuan gallery lamah kal mai turin a ti. Speaker chuan, "Member ṭhenkhat chu an seat-a an ṭhut lai leh din laite pawhin midang biain an ti ti a ni. Hei hi Parliament House a ni a, hetianga rorel laia lo ti ti hi thil dik a ni lo a, a pawm theih loh. House-a rorel tura awm tawh hnua ti ti mai mai ka remti dawn lo. In ti ti duh a nih chuan hnaiteah inthiarfihlimna tur gallery a awm reng a ni," tiin a sawi.

Member-te pawhin Speaker thusawi hi an pawmpui zia tih dawhkan bengin an lo lantir a ni. 

Trinamool Congress leader Sudip Bandyopadhyay chuan Speaker chu khauh taka che turin a ngen a, member-te chuan an lo tihdan ṭhan a nih avangin awlsam taka an insiamṭhat mai a harsa dawn tih a sawi. Hei vang hian member-te chu awmdan tur a hrilh fo a ngai dawn tih a sawi a ni. 



Share this Post

Login to comment
No Comments