Nagpur University-ah RSS chanchin zir tel dawn


Nagpur University-a undergraduate syllabus-ah Rashtriya Swayamsewak Sangh (RSS) chanchin (history) telh a ni a, India-in independence a hmuh hmaa RSS-ten India tana zalenna an lo sual dante an zir tel dawn.

Nagpur hi Maharashtra-a khaw lian ber a ni a, kum 94-a upa RSS ho headquaters awmna hmun a ni. Tunah hian Bharatiya Janata Party (BJP) sorkarna hnuaiah an awm mek. RSS ho chanchin hi Indian His­tory section-ah telhin, second year BA prog­ramme (General) aṭangin an zir ṭan ang.

Indian History section hmasa berah hian Congress leh Jawaharlal Nehru rawn chawrchhuah dante ziah a ni a, section dawt lehah hian India-in zalenna a sual hun lai vela non-cooperation movement leh thil dang thlengte ziah a ni. Section thumnaah erawh chuan RSS hoin India tana zalenna an lo sual dante dah a ni thung.

Hetihlai hian Ashish Mandpe hona hnuaia awm National Students Union of India (NSUI) leh Maharashtra unit Congress student wing-te chuan Nagpur University Vice Chancellor Siddharthavinayaka P. Kane chu hmuin, RSS ho hmalakna hi an dodal nghal.



Share this Post

Login to comment
No Comments