New India thupui Yoga practice : Prakash Javedkar

Information and Broadcasting Ministry Institutes chuan Inter­national Yoga Day atan Antarashtriya Yoga Diswas Media Samman (AYDMS) Samman a din.

Minister for Infor­mation and Broadcasting, Prakash Javadekar chuan Yoga kalphung leh a zirtirte chu, "Nun hrisel, hrisel taka nunna, natna hrik vengtu leh nun nawmna", a ni a ti. Yoga hi India in khawvel tana a pek theih awm chhun a ni a, Prime Mi­nister Narendra Modi kaihhruaina hnuaia New India thuthar leh thupui ber a nih thu a sawi.Yoga chu United Na­tions pawhin a pawm tih sawiin, tunah hian khaw­vel hmun hrang hranga ram 200 chuangah an zawm mek tih a sawi bawk. Yoga ṭhatna leh ṭang­kainate midang hnena puangzar tura media pawimawhna sawiin, Minister chuan ram chhung leh ram pawna puanzar turin a vawi khatna atan AYDMS chu din a ni, a ti.

Media-te hmalak dan tur chu hetiang hian tarlan a ni bawk- AYDMS chuan Media House-te leh Print Media, Electronic and (Television & Radio)-ah hma an la dawn a ni. Samman 33 neih a ni dawn a, samman 11 zelah ṭhenhran an ni dawn bawk. Heng samman 11 ṭheuhte hi India ṭawng 22 leh English category-ah then an ni anga, 'Best Media Coverage of Yoga' chanchinbuah pek a ni ang a, 'Best Media Coverage of Yoga' chu Television-ah pek a ni ang. 

'Best Media Coverage of Yoga' chu Radio-ah pek a ni thung ang. 

Media-ten Yoga chungchang an puanin an chhuah ṭha em tih chu jury 6-in an thlang a, anni hian special media/plague/trophy leh citation-te an pe chhuak dawn a ni. AYDMS coverage chhung hi Thawhṭanni aṭanga neih ṭan kha a ni a, June 25 thleng a huam ang.  AYDMS ceremony-ah chawimawina dawngte hi an puangchhuak ang.



Share this Post

Login to comment
No Comments