Congress-in Rahul thlaktu tur ruat dawn

Lok Sabha inthlana hnehna an chan zawh loh hnuah Congress chuan harsatna an tawk zui zel a, party president Rahul Gandhi-a'n ban dilna a thehluh avangin amah thlak lailawktu tur an ruat dawn tih media-te chuan an tarlang. 

Rahul hian thla hmasa khan party meeting-ah ban a duh thu hi a lo thlen tawh a, an party din chhuah leh nan Gandhi vua leh vangte tel rih loh chu ṭha bera a hriat thu a sawi. Mahse ban a dilna hi pawmsak a ni lo a, heti chung hian hun eng emaw tichhung chu a chawl dawn nia rinna a lian hle. 

Rahul thlak lailawktu tur hian Congress hruaitu hlun AK Antony hming pawh lam rik a ni a, an inthlak ngei ang em tih erawh hriat a la ni lo. 

Congress hian Lok Sabha inthlanah khan beisei an phak lo hle a, seat 52 chiah an la a ni.



Share this Post

Login to comment
No Comments