Pakistan-in a ram chhungah Modi luh phal sak

Prime Minister Narendra Modi chu June 13-14 chhunga Kyrgyzstan khawpui Bishkek-a Shanghai Cooperation Orga­nisation meeting neih turah a tel dawn a, Bishkek pan tur hian Pakistan chuan a ram chhung paltlang a phalsak. 

India chuan Pakistan hnenah hian a ram chhungah PM Modi-a thlawhtheihna thlawh luh phalsak turin a ngen a, he dilna hi Pakistan chuan a pawmsak a ni. 

February thlaa India sipai-te'n Balakot area-a surgical strike an va neih hnu khan ram pahnihte hi an inhrek tawn a, an ram chhungah an inluling ve ve a ni. Mahse tun hnaiah an inkar boruak a zia chho a, an ram chhung paltlang an indil pawh an inphalsak tawn a ni. 

Hetih lai hian Prime Minister Modi leh Pakistan Prime Minister Imran Khan-te'n inbiakna an nei dawn nia sawi chu India-in a pha thung a, External Affairs Ministry thupuangtu Raveesh Kumar chuan, "Ram pahnih hruaitute hian SCO summit-ah inbiak tumna an nei lo," tiin a sawi. 



Share this Post

Login to comment
No Comments