Modi leh Xi Jinping inhmu dawn

Prime Minister Naren­dra Modi leh China President Xi Jinping-te chuan Kyrgyzstan khawpui Bishkek-ah meeting an nei dawn a, global trade leh terrorism chungchang an sawidun ang. 

Ram pahnih hruaitute hi June 13-14 chhunga Shanghai Cooperation Organisation meeting neih turah an tel dawn a, he hunah hian inbiakna an nei dawn a ni. 

Ministry of External Affairs chuan PM Modi leh Xi Jinping-te inhmuh tur thu hi Thawhṭanni khan a puang a, China pawhin ram pahnih hruaitute inhmuh tur thu leh, thil pawimawh tak an sawidun tur thu a tarlang bawk. 

Meeting-ah hian US leh China inkara insumdawn tawnna leh India - US insumdawn tawnna chungchang an sawi dawn a ni. Hei bakah hian firfiakte dolet dan tur chungchang pawh an sawi dun rin a ni a, Pakistan chungchang pawh an sawi tel rin a ni bawk. 

He inbiaknaah hian Russian President Vla­dimir Putin pawh a tel dawn tih Ministry of External Affairs chuan a tarlang a ni. 



Share this Post

Login to comment
No Comments