Affidavit-ah thu dik lo ziah vangin Irani lakah thubuai thehlut

Union minister leh BJP hruaitu Smriti Irani-i chu Uttar Pradesh-a Amethi biala Lok Sabha inthlanna neih tura affidavit a thehluhah thu dik lo a ziah avangin a lakah thubuai thehluh a ni. 

Thubuai thehluttu hi Lucknow-a city Congress Minority Cell chairman, Tausheed Siddiqui a ni. 

Siddiqui chuan, "Irani hian 2014 Lok Sabha election-a nomination affidavit-ah khan 1994-a University of Delhi aṭanga Bachelor of Commerce degree zo angin a insawi a, mahse kumina a affidavit-ah degree hi a zir chhuak lo tiin a tarlang leh si a ni", a ti. Irani chu EC laka dawt sawiah a puh a, chhui chiana a laka action lak ngei a phut thu a tarlang. 



Share this Post

Login to comment
No Comments