India Ambassador Vinay Mohan Kwatra leh US hotu inkawm

United States-a India Ambassador Vinay Mohan Kwatra leh US National Security Council-a Counter-terrorism lama hotu Sebastian Gorka-te chu Thawhṭanni khan an inkawm a, khawvel huapa firfiakte pawikhawihna laka hma lak dan tur leh thawhho zel dan tur an sawidun.

He hunah hian firfiak laka ram pahnihte thawh dun dan tur, kum hmasa (February 2025)-a India leh USA Joint Statement-a an lo duan tawhte thlirletna an nei. Khawvel hmun hrang hranga firfiakte chet dan laka ralkhelna awm theite thlir ho a ni bawk.

PM Narendra Modi leh US president Donald Trump-te chuan firfiak pawl hrang hrang Al-Qaida, ISIS, Jaish-e-Mohammad leh Lashkar-e-Tayyiba-te thunun nan leh ralthuam hlauhawm tak tak an khawih loh nan hma lak dun an lo rel tawh a ni. Ambassador Kwatra chuan tualchhung thil thleng leh inremna hrang hrangte bawhzui a nih zel tur thu a sawi lang.