RS deputy chairman atan Harivansh thlang nawn

Rorellai National Democratic Alliance (NDA) in Rajya Sabha deputy chairman atana a nominate, Harivansh Narayan Singh chu Thawhṭanni khan thlan nawn leh a ni. 

Parliament session ṭanniah RS deputy chairman hi thlan a ni a, eptu party lamin joint candidate atan Rashtriya Janata Dal (RJD) MP Manoj Sinha an nei bawk. Inthlan hi voice vote hmanga neih a ni a, rorel lam candidate, Harivansh chu thlan nawn a nih thu chairman M Venkaiah Naidu chuan a puang a ni. 

Prime minister Narendra Modi chuan Harivansh chu lawmpuina hlanin, ṭan lam leh thlei bik nei lo a rualkhai taka midang te chungah ro a rel dawn thu a sawi. Modi bakah hian party hrang hrangin Harivansh hi lawmpuina thu an hlan bawk. 

India danpui Article 89 hnuai ah Rajya Sabha deputy chairman hi din a ni. Rajya Sabha chairman a awm loh chuan chairman aiawh tur a ni a, session-a chairman kaihhruina ang zawng zawng leh chairman thu neihna ang zawng zawng chu chairman awm loh laiin thuneihna a nei ṭhin. 



Share this Post

Login to comment
No Comments