TN-a testing center pariatna tur sorkarin pawmsak

Tamil Nady-a Covid-­19 testing center pariatna siamna tur chu nimin khan union health ministry chuan a pawmsak. 

State health and fami­ly welfare minister C Vijaya Baskar chuan u­nion health ministry hnen aṭangin Madurai-a Rajaji Medical College-a testing lab siam phalna an hmu tih sawiin, hei hi an state-in testing center pariat an neihna tur a ni tih a sawi. 

Indian Council of Medical Research (ICMR) chuan private laboratory-a Covid-19 test neih dan tura kaihhruaina a lo siam tawh a, sample test man hi Rs 4,500 aiin a to tur a ni lo, a ti. Hei hain suspect case screening test neihna Rs 1,500 leh confirmation test neihna Rs 3,000 a huam a ni. Hemi hnu hian ministry of health and family welfare chuan private laboratory-ten test manah Rs 4,500 aia tam an lak chuan dan hmanga an chunga action lak a nih tur thu a puang zui a ni.



Share this Post

Login to comment
No Comments