Chhungkaw nuai 50 hnenah a thlawnin ei tur sem dawn

Gujarat sorkar chuan lockdown hman chhunga mipuiten ei leh bar lama harsatna an tawh lohna turin, fair price shop kal­tlangin ration card nei, chhung­kaw nuai 69 hnenah a thlawnin wheat, buhfai, dal leh chini te a sem dawn tih chief minister Vijay Rupani chuan a sawi. 

CM Rupani chuan ni 21 chhung pawn chhuak leh hnathawk thei loa an awm dawn avangin mi rethei zawkten harsatna an tawh lohna he thu­tlukna hi siam a nih thu a sawi. April 1 aṭangin ration card neitute hnenah hian mi pakhat tan wheat kg 3.5; buhfai kg 1.5; chhungkaw khat tan dal, chini leh chi kg khat ṭheuh a thlawnin sem a ni ang, a ti.



Share this Post

Login to comment
No Comments