Thackeray kaihhruai Maha Vikas Aghadi sorkarin fiahna patlang Assembly Speaker atan Nana Patole tling

Maharashtra chief minister Uddhav Thackeray kaihhruai  Maha Vikas Aghadi (Shiv Sena-Nationalist Congress Party-Congress ṭangrual pawl) sorkar chuan kar liam ta Inrinni khan Maharashtra Assembly-ah fiahna a paltlang. 

Maha Vikas Aghadi sorkar hian trust vote laknaah member 288 awmna Assembly-ah thlawp­tu vote 169 a hmu a ni. Shiv Sena, NCP leh Congress hian MLA 154 an nei a, party pathum MLA-te bakah indepen­dent MLA ṭhenkhatin sorkar thar hian thlawp a ni. 

Sorkar fiah a nih dawn hian BJP member-te chu House aṭangin an chhuak tau. Devendra Fadnavis kaihhruai BJP member-te hian protem speaker atan NCP leader Dilip Walse Patil ruat a ni chu duh loin, vote lak  hmain an chhuak tau a ni. Vote laknaah hian BJP member-te an awm loh bakah MLA pali chu an hai bawk. 

Chuhtu awm loin Patole tling

Congress MLA Nana Patole chu Maharashtra Assembly Speaker atan chuhtu awm loin nimin khan thlan tlin a ni bawk. 

Nimin khan Assembly Spea­ker hi thlan tur a ni a, mahse BJP nominee chu a inhnuhdawh leh tak avangin chuhtu awm loin  Maha Vikas Aghadi candidate, Nana Patotel chu a tling ta a ni. 

Kum 54 mi, Nana Patole hi ṭum li MLA ni tawhin, Sakoli Assembly bialtu a ni. Congress chhuahsanin kum 2014 khan Lok SAbha inthlanah BJP ticket-in a ding a, NCP hotu Praful Patel a hneh a ni. Mahse kum 2017 December thla khan PM Modi leh hetihlaia CM Devendra Fadnavis nen an ngaihdan a in an loh avangin BJP chhuahsanin, Congress-ah a kir a ni. 



Share this Post

Login to comment
No Comments