Ayodhya case : UP-in temporary jail 8 siam

Uttar Pradesh-a Ayodhya-a Hindu leh Muslim-te ram inchuh thubuai chinfel a hnai tawh a,  hei vang hian Uttar Pradesh chuan dan leh thupek khauh taka kenkawh tumin a inbuatsaih mek. Ambedkar Nagar college hrang hrangah tempory jail pariat siam a ni. 

Ayodhya-ah hian buaina a chhuah venthawn thilah mi panga aia tam punkhawm khapna, CrPC section 144 pawh hman a ni tawh bawk. 

Chief Jutice of India Ranjan Gogoi chu November 17 hian a pension tawh dawn a, a chhuah hmain Ayodhya thubuai hi chinfel tum a ni. 

Union home ministry pawhin Uttar Pradesh chief minister Yogi Adityanath kaihhruai sorkar hnenah pawh venhimna khauh taka kalpui turin a hriattir tawh a ni. Police pawh a tam thei ang duty tura hrilhin, social networking site hrang hrang leh SMS kaltlanga thu dik tawk lo thehdarh awm ṭhinte pawh khuahkhirh turin a ti bawk. 



Share this Post

Login to comment
No Comments